Aqtóbe oblysynda 20 kásipkerdiń shoty zańsyz buǵattalǵan – prokýratýra

<p>Aqtóbe oblysynyń prokýratýrasy taldaý nátıjeci boıynsha Aqtóbe oblysy boıynsha memlekettik kirister organdarymen bıylǵy kameraldyq baqylaý nátıjeleri boıynsha 20 kásipkerlik sýbektisine habarlamalar qoıyp, olar shottaryn buǵattaýǵa ákep soqqanyn anyqtady.</p>

Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.

Tıisinshe olar kásipkerlerdiń qyzmetine keri áserin tıgizdi. Qoıylǵan habarlamalardyń zańdylyǵyn zerdelegen prokýratýra olardy negizsiz dep tanyp, qadaǵalaý aktisin engizdi.

Nátıjesinde salyq organynyń sheshimderi joıylyp, kináli tulǵalar jaýapqa tartyldy, al kásipkerler óz qyzmetine qaıta kiristi.

Osylaısha, prokýratýra kásipkerler aldyndaǵy kedergilerdi joıdy.

Salyq organynyń basqa da aktileriniń zańdylyǵyn tekserý jalǵasýda.