Aqtóbe oblysynda 150 bas qoıymen joǵalyp ketken shopan tabyldy

<p>«Mal urysy» jedel-profılaktıkalyq is-sharasy sheńberinde sharýa qojalyqtaryn aralap, reıdtik jumystar júrgizý barysynda 6 jeltoqsanda Aqtóbe oblysy Qobda aýdanyndaǵy sharýa qojalyqtarynyń birine barǵan polıtseılerge qojalyq basshysy malshysynyń jáne 150 bas qoıynyń joǵalǵany týraly aryzdandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>. </p>

Onyń aıtýynsha, qoı baǵyp ketken shopandy qoılarymen taba almaǵanyna ekinshi kún bolǵan. Birinshi kúni fermer izdeý jumystaryn óz kúshimen júrgizgen, alaıda oń nátıje bermegen soń, polıtsııaǵa habarlamaq bolǵan.

«Polıtsııa qyzmetkerleri dereý joǵalǵan shopandy izdeýge kiristi. Іzdeýge 20 adam men birneshe tehnıka jumyldyryldy, onyń ishinde polıtsııa, tótenshe jaǵdaılar jáne aýdan ákimdiginiń qyzmetkerleri, 5 avtokólik pen dron bar.

Іzdeý is-sharalary barysynda jyralar men orman beldeýleri tekserildi. 7 jeltoqsan kúni keshke polıtsııa qyzmetkerleri sharýa qojalyǵynan 25 shaqyrym qashyqtyqta qoılardy sharýashylyqqa qaraı aıdap bara jatqan shopandy tapty», — dep jazdy ІІM-nen.

Polıtseıler ony jylytyp, qojalyqqa aman-esen jetkizdi. Shopannyń aıtýynsha, ony ártúrli aýa raıynda dalada jıi bolatyny jáne sýyqqa beıimdelgeni qutqarǵan.