Aqtóbe oblysy Alǵa aýdanynyń ákimi taǵaıyndaldy

<p>ASTANA. KAZINFORM — Qazaqstan Respýblıkasy Prezıdenti Ákimshiliginiń jáne Alǵa aýdandyq máslıhaty depýtattarynyń kelisimimen Aslanbek Serikuly Shúıinshalıev Alǵa aýdanynyń ákimi laýazymyna taǵaıyndaldy. </p>

Ol 1988 jyly dúnıege kelgen. Bilimi — joǵary. Qazaq-Orys Halyqaralyq ýnıversıtetiniń «Quqyqtaný», Almaty ekonomıka jáne statıstıka akademııasynyń «Ekonomıka», QR Prezıdentiniń janyndaǵy memlekettik basqarý akademııasynyń «Óńirlik damý» mamandyqtary boıynsha bitirgen. Lıtva Memleketiniń Mıkolos Romerıs Ýnıversıtetinde memlekettik basqarý baǵdarlamasy aıasynda halyqaralyq taǵylymdamadan ótken.

Eńbek jolyn 2007 jyly Alǵa aýdandyq qarjy bóliminiń is-qaǵazdaryn júrgizýshi zańgeri bolyp bastaǵan.

2007 — 2009 jj. «ABÝ-GRÝPP» JShS menedjeri;

2009 — 2012 jj. Aqtóbe oblysynyń balalardyń quqyqtaryn qorǵaý departamentiniń jetekshi mamany, bas mamany, QR básekelestikti qorǵaý agenttiginiń Aqtóbe jáne Batys Qazaqstan oblystary boıynsha óńiraralyq ınspektsııasynyń bas mamany;

2012 — 2016 jj. Qarǵaly aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń bastyǵy, Badamsha aýyldyq okrýginiń ákimi qyzmetterin atqarǵan.

2016 — 2021 jj. Alǵa aýdandyq qarjy bóliminiń basshysy, Aqtóbe oblysy ákimi apparatynyń oblystyq terrorızmge qarsy komıssııanyń jumysyn úılestirý jáne quqyqqorǵaý organdarymen ózara is-árekettesý bóliminiń basshysy, Qarǵaly aýdany ákiminiń orynbasary boldy.

2021 — 2023 jj. Aqtóbe oblysynyń jumyspen qamtýdy úılestirý jáne áleýmettik baǵdarlamalar basqarmasyn basqardy.

2023 jyldyń qarasha aıynan bastap Aqtóbe qalasynyń «Almaty» aýdanynyń ákimi qyzmetin atqaryp keldi.

Buǵan deıin London Olımpıadasynyń chempıony Serik Sápıev Qaraǵandy oblystyq dene shynyqtyrý jáne sport basqarmasynyń basshysy bolatyny belgili boldy.