Aqtóbe oblysy ákimdigi: Áleýmettik nysandardyń qurylysy – baqylaýda

<p>AQTÓBE. KAZINFORM - Oblys ákimi Ashat Shaharov Aqtóbede salynyp jatqan órt sóndirý deposy, &laquo;Jaıly mektep&raquo; jáne №49 mektepke japsarlas salynǵan ǵımarattyń qurylys barysyn qarap shyqty, dep habarlaıdy óńirlik ákimdiktiń baspasóz qyzmeti.&nbsp;</p>

Aqtóbe qalasynyń Eset batyr turǵyn alabynda ІІ tıptegi órt sóndirý deposy jańadan boı kóterýde.

Óńir basshysy jańa korpýstyń normatıvtik aktige sáıkestigin tekserip shyqty.

Foto: Aqtóbe oblysy ákimdigi

Aýmaǵy 1,5 ga jerdi alyp jatqan órt sóndirý bólimi shahardyń shetki bóligin qorǵaýǵa yńǵaıly. Sondyqtan jobalaý-smetalyq qujattamany daıyndaý kezinde osy erekshelikke basty nazar aýdarylǵan.

Ǵımaratta ákimshilik korpýs, 4 avtomobılge arnalǵan depo, dıspetcher kabıneti, demalys bólmesi, qaraýyl kabıneti, ashana, sanıtarlyq toraptar, qabyldaý bólmesi, akt zaly, qoımalar, gaz-tútinnen qorǵaý qyzmetine arnalǵan arnaıy jattyǵý bólmesi qarastyrylǵan.

Foto: Aqtóbe oblysy ákimdigi

Qurylysy 2019 jyly bastalǵan nysan bıylǵy jyly paıdalanýǵa berilýi josparlanǵan. Merdiger kompanııa - «Babek Qurylys».

Atalǵan kompanııa Aqjar-2 turǵyn alabynda «Jaıly mektep» ulttyq jobasy aıasynda mektep salyp jatyr. Qurylys kestesine sáıkes, nysan jyl aıaǵynda halyq ıgiligine berilýi tıis.

Foto:Aqtóbe oblysy ákimdigi

Aımaq basshysy jumys qarqynyn arttyrýdy, sonyń ishinde mektep aınalasyn abattandyrý isin jedeldetýdi tapsyrdy.

Aqjar-2-de ornalasqan №49 orta mektepke 250 oryndyq japsarlas ǵımarat salyndy. Búginde qurylys jobasynda qaralǵan voleıbol, basketbol alańy áli tolyq aıaqtalmaǵan. Oblys ákimi merdiger kompanııa ókiline jumystardy sapaly tapsyrýdy mindettedi.