Aqtóbe mys kompanııasyndaǵy jumysshy óliminen soń qylmystyq is qozǵaldy

<p>AQTÓBE. KAZINFORM &ndash; Aqtóbe mys kompanııasyndaǵy jumysshy óliminen Qylmystyq kodekstiń &laquo;Eńbekti qorǵaý qaǵıdalaryn buzý&raquo; baby boıynsha is qozǵaldy.</p>

- Qazir sot aldy tergeý júrip jatyr. Oqıǵanyń qalaı bolǵany anyqtalady,- dep habarlady Aqtóbe oblystyq Polıtsııa departamenti baspasóz qyzmetiniń jetekshisi Erbolat Sarqulov.

Al «Aqtóbe mys kompanııasy» JShS-niń baspasóz qyzmeti kásiporyn tergeýge kómek kórsetetinin jetkizdi.

- 18-qyrkúıek saǵat 23:15-te baıytý fabrıkasynda tótenshe jaǵdaı bolyp, saldarynan bir jumysshy kóz jumdy. Oqıǵa ornynda arnaıy qyzmetter jumys istep jatyr, sebep-saldary anyqtalýda. Kásiporyn tergeýge jan-jaqty kómegin kórsetip jatyr. Kásiporyn basshylyǵy marqumnyń otbasy men jaqyndarynyń qaıǵysyna ortaqtasyp, kóńil aıtady, materıaldyq kómek kórsetiledi,- dedi kompanııanyń baspasóz qyzmeti.

Aıta keteıik, mys kompanııasynda usaqtaýshynyń ústine ken opyrylyp tústi. Qazirgi kezde Aqtóbe oblystyq eńbek ınspektsııasy basqarmasy tergeý júrgizip jatyr.