QPL: «Aqtóbe» men «Elimaı» úsh upaı enshiledi

<p>ASTANA. KAZINFORM - Búgin Qazaqstan Premer-lıgasynyń VIII týry oıyndary ótti. &laquo;Aqtóbe&raquo; syrt alańda &laquo;Qyzyljar&raquo; komandasynan basym tústi.&nbsp;</p>

Petropavl qalasynda ótken tartysqa toly kezdesýde qonaqtar úsh upaı enshiledi. «Aqtóbe» komandasynyń sapynan oıynnyń 61-mınýtynda Baýyrjan Baıtana men 67-mınýtta Sevalos Enrıkes gol soqty. Osylaısha Dmıtrıı Parfenov jattyqtyratyn komanda 14 upaımen týrnırlik kestede birinshi orynǵa jaıǵasty. Al qatarynan tórt oıynda jeńiliske ushyraǵan «Qyzyljar» komandasy 8-orynda keledi. 

Semeıdegi matchta alań ıeleri 2:1 esebimen jeńiske jetti. Roman Mýrtazaevtyń kezdesýdiń 38-mınýtynda salǵan golyna kenshiler sapynan Abylaıhan Nazymhanov 88-mınýtta jaýap qatqan. Alaıda oıynǵa qosylǵan qosymsha ýaqytta, ıaǵnı, 98 mınýtta Nıkıta Korzýn kózge tústi. Osylaısha Andreı Karpovıchtyń komandasy kambek jasap, mańyzdy úsh upaıǵa ıe boldy.

Qazirgi ýaqytta «Elimaı» 14 upaımen týrnırlik kestede ekinshi orynda tur. 

Eske sala keteıik, keshe syrt alańda «Turan» komandasyn jeńgen «Jetisý» komandasy týrnır kestesinde kósh basyna shyqqanyn jazǵan bolatynbyz.