Aqtóbe men Batys Qazaqstan oblystarynda áli kúnge deıin 2 122 úı sý astynda qalyp otyr
«Sý tasqyny saldarynan 18 005 úı nysany zardap shekken. 17 295 nysan boıynsha tehnıkalyq tekseris nátıjesi bar. Tekserilgen nysandar boıynsha 2 245 turǵyn úı salý, jyljymaıtyn múlik naryǵynda 5 235 turǵyn úı satyp alý jáne 9 819 nysandy jóndeý josparlanǵan. Búginde 1 828 úıdiń qurylysy bastaldy. Bul josparlanǵan kórsetkishtiń 81 paıyzyn quraıdy. Bul rette Batys Qazaqstan men Aqmola oblystarynda júrgizilip jatqan jumystyń tómen qarqyny baıqalady», - dedi mınıstr.
Onyń dereginshe, Aqtóbe men Batys Qazaqstan oblystarynda áli kúnge deıin 2 122 úı sý astynda qalyp otyr.
«Soltústik Qazaqstan oblysynda qurylys qarqyny jaqsy. Búginde 53 turǵyn úı paıdalanýǵa berildi. Qazirgi ýaqytta respýblıka boıynsha 1 943 turǵyn úı satyp alyndy. 3 882 úıdi jóndeý jumystary júrgizilýde. Sonymen qatar jóndeý jumystary boıynsha 1 772 úı ıesi tólemder aldy», - dedi Qanat Sharlapaev.