Aqtóbe kóshelerinen 210 myń tekshe metr qar shyǵaryldy
22:14, 08 Naýryz 2023
AQTÓBE. QazAqparat - Aqtóbede sý tasqynyn boldyrmaý maqsatynda jedel sharalar qabyldanýda, dep habarlaıdy QazAqparat óńir ákimdiginiń baspasóz qyzmetine silteme jasap.
«Shanhaı jáne Máskeý yqshamaýdandarynyń kóshelerinde táýlik boıy qar shyǵarý jáne erigen qar sýyn sorý jumystary júzege asýda. Merdiger uıymdardyń ókilderi aımaq ákimi Eraly Toǵjanovqa jumystarǵa tartylǵan tehnıka men brıgadalardyń sany týraly baıandady. Qazir kúsheıtilgen rejımde eki aýysymda qala kóshelerinde 14 merdiger jumys isteýde. Jumyldyrylǵan arnaıy tehnıkanyń sany 243-ke deıin artty», - dep jazylǵan habarlamada.
Jalpy, qys bastalǵaly polıgonǵa 210 myń tekshe metr qar shyǵarylǵan, 7 naýryzdan bastap qala kóshelerinen 17 myń tekshe metrge jýyq erigen qar sýy soryldy, 2 shaqyrym aryq tazartyldy.
Sý tasqynyna qarsy is-sharalar jalǵasýda.