«Aqtóbe» kapıtany ıÝrıı Logvınenko fýtbolshy mansabyn aıaqtady
«Aqtóbe» fýtbol klýbynyń baspasóz qyzmetinen málim etkenindeı, ıÝ.Logvınenko óz sózin jankúıerlerge arnady.
«Jıyrma jyldaı ýaqyt buryn meniń eresekter fýtbolyndaǵy qadamym bastaldy. 2003 jyly 14 jasymda «Aqtóbe-Jas» quramynda birinshi lıgada alańǵa shyqtym. Úsh jyldan keıin meni oblystyń bas komandasyna shaqyryp, Qazaqstannyń úzdik fýtbol lıgasynda oınadym. Sodan beri klýb pen el quramasy sapynda túrli týrnırlerde qatysqan matchtarymnyń sany 500-den asty. Osy jyldar ishinde qanshama qýanyshty bastan keshtim, eń joǵary oryndar úshin synǵa túsip, tabystarǵa jettim. Jankúıerlerdiń ǵajap qoldaýynan shabyt aldym. Biraq báriniń aıaǵy bolady. Komandada qanshama qalyp, alańda paıda ákelgiń kelse de, men oıynshy retinde mansabymdy aıaqtaý týraly sheshim qabyldadym. Jasymnyń ulǵaıýyna qosa jaraqattarym syr berdi. Óz deńgeıimnen kem oınaǵym kelmeıdi. Jastarǵa oryn bosatatyn kez keldi», - dedi 34 jastaǵy ıÝ.Logvınenko.
Oıynshy óz otbasy men komandasyna, bapkerleri men klýbtyń ár jyldardaǵy basshylaryna jáne barsha jankúıerlerine alǵysyn bildirdi.
ıÝ.Logvınenko Qazaqstannyń eń ataqty fýtbolshysy bolyp sanalady. Ol 16 jyl ishinde segiz ret (tórt retten «Aqtóbe» men «Astana» sapynda) el chempıony atandy. 4 ret kúmis, 4 dúrkin qola júldege ıe boldy. Eki ret Qazaqstan kýbogin, alty márte sýperkýbokti jeńip aldy.
2008 jyly Qazaqstannyń úzdik on oıynshysy qataryna kirdi. 2016 jáne 2017 jyldary Qazaqstannyń sol qaptaldaǵy úzdik ortalyq qorǵaýshysy atandy.
ıÝ.Logvınenko «Aqtóbe» sapynda 333 match ótkizip, 22 gol soǵyp, 11 nátıjeli pas berdi.
Sondaı-aq Qazaqstan quramasymen 58 oıynda alańǵa shyǵyp, 5 goldyń avtory atandy.
Sýret: Sport.kz saıtynan salyndy