Aqtóbe-Qandyaǵash tas jolynyń eki jolaǵy ashyldy

AQTÓBE. QazAqparat - Aqtóbe oblysynda jol qurylysy salasyndaǵy mańyzdy jobalardyń biri iske qosyldy, dep habarlaıdy QazAqparat jergilikti ákimdikke silteme jasap.

Negizinen, 2021 jyly qurylysy bastalǵan respýblıkalyq mańyzǵa ıe Aqtóbe-Qandyaǵash tas jolyn qaıta salý jobasyn iske asyrýdy oblys bıligi erekshe baqylaýǵa alǵan bolatyn. Jobanyń óńir úshin mańyzdylyǵy eskerilip, qysqa merzimde joldy paıdalanýǵa berý júkteldi.

Keshe tórt jolaqty tas joldyń bir jaq bóligi kólik qozǵalysyna ashyldy.

Jol ýchaskesiniń 11-52-shaqyrymynda «SP «Sıne Mıdas Stroı» JShS, 52-100-shaqyrymynda «Assana DorStroı» JShS qurylys-montaj jumystaryn júrgizip jatyr.

Joldy paıdalanatyndardyń qaýipsizdigi úshin merdigerler mal aıdaıtyn 16 ótkel, 18 kópir salady, onyń ekeýi aıaqtalǵan, sondaı-aq, 60 sý ótkizgish qubyr ornatady.

Jalpy, jobaǵa 293 birlik tehnıka, 425 adam jumyldyryldy.

Tas jol tolyqtaı 2023 jyldyń qarasha aıynda halyq ıgiline beriledi.