«Aqtóbe-Qandyaǵash» ýchaskesinde kólik qozǵalysy ashyldy

<p>AQTÓBE. KAZINFORM &ndash;&nbsp; Búgin &laquo;QazAvtoJol&raquo; ulttyq kompanııasy respýblıkalyq mańyzy bar &laquo;Aqtóbe-Atyraý-RF shekarasy (Astrahanǵa qaraı) avtojolynyń qaıta jańartý jumystary aıasynda &laquo;Aqtóbe-Qandyaǵash&raquo; ýchaskesinde kólik qozǵalysyn ashty.</p>

Kompanııanyń málimetinshe, atalǵan shara barysynda Alǵa qalasynan Qandyaǵash qalasyna deıingi 54 shaqyrymdy quraıtyn aınalma joldyń sol jaq qozǵalysy ashyldy. Bul – transporttyq dáliz Astrahanǵa qaraı qozǵalysty qamtamasyz etip, Qazaqstan Respýblıkasy men Reseı federatsııasyn baılanystyratyn mańyzdy baǵyttardyń biri. 

Foto: «QazAvtoJol» ulttyq kompanııasy

Qaıta jańartý jumystary barysynda joldyń tehnıkalyq parametrleri jaqsartyldy: 77,8 shaqyrym ІІ sanattan І sanatqa, al 18,2 shaqyrymy ІІ sanatqa aýystyryldy. Qazirgi tańda avtojoldyń barlyq uzyndyǵy boıynsha joldyń tómengi qabatyn tóseý jumystary aıaqtaldy. Qıyrshyq tasty-mastıkalyq asfaltbetonnan joǵarǵy qabatty tóseý jumystary atqarylyp jatyr. 64 shaqyrym (barlyq jumystyń 66 paıyzy) tóselip, joldy abattandyrý jumystary júrgizilip jatyr. 

Foto: «QazAvtoJol» ulttyq kompanııasy

Aqtóbe oblysy arqyly ótetin A-27 «Aqtóbe-Atyraý-RF shekarasy (Astrahanǵa qaraı) respýblıkalyq mańyzdaǵy avtojoldyń uzyndyǵy 326 shaqyrym.

Jobany júzege asyrýǵa úsh asfaltbeton zaýyty, 254 jol-qurylys tehnıkasy men 574 jumysshy jumyldyrylǵan. Joba aıasynda 94 jasandy qurylys nysanyn soǵý josparlanǵan, onyń ishinde 15 kópir, 16 mal aıdaý, 3 kólik jol aıryǵy men 60 sý ótkizgish qubyr. 

Foto: «QazAvtoJol» ulttyq kompanııasy

«Aqtóbe-Qandyaǵash» avtojolynyń qaıta jańartý jumystary 2024 jyldyń sońyna deıin aıaqtalady.