Aqtóbe qalasynyń bas jospary jańa qaǵıdamen saraptalady - QR UEM
2015 jyly qazan aıynda «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys qyzmeti máseleleri boıynsha ózgerister men tolyqtyrýlar engizý týraly» Zań qabyldandy.
Vedomstvonyń baspasóz qyzmetiniń habarlaýynsha, osy zańnyń sheńberinde qala qurylysy saraptamasyn ótkizý protsessi retteldi: barlyq deńgeıdegi qala qurylysy jobalaryna keshendi qala qurylysy saraptamasyn júrgizý qaǵıdalary bekitildi; qala qurylysy jáne qurylys jobalary (tehnıkalyq-ekonomıkalyq negizdemeler jáne jobalaý-smetalyq qujattamalar) boıynsha saraptama qorytyndylaryn resimdeý qaǵıdalaryn jáne Saraptama komıssııalaryn (saraptama toptaryn) qurý jáne keshendi vedomstvodan tys saraptamaǵa jáne qala qurylysy saraptamasyna qatysý úshin mamandardy (mamandandyrylǵan ınstıtýttar men uıymdardy) tartý qaǵıdalaryna ózgerister men tolyqtyrýlar engizildi.
Qaǵıdanyń maqsaty - jobalardy keshendi qala qurylysy saraptamasynan ótkizý protsessin retteý; jobalardy keshendi qala qurylysy saraptamasynan ótkizý kezinde, saraptama komıssııalaryn (saraptama toptaryn) qurý protsessin retteý; keshendi qala qurylysy saraptamalyq qorytyndylaryn rásimdeý tártibin belgileý.
Qujat qala qurylysy saraptamasyn ótkizý protsessin retteıdi, qala qurylysy jobasy boıynsha saraptama komıssııasyn qurý tártibi jáne saraptama qorytyndysyn rásimdeý tártibi anyqtaldy.
«Qazirgi tańda, qaǵıdalar qoldanysqa engizildi, mınıstrliktegi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń qaǵıdalarǵa sáıkes qurǵan komıssııalary saraptamalar júrgizedi. Qazir Baıqońyr qalasynyń bas jospary, Almaty aglomeratsııasynyń aýmaǵyn damytý óńiraralyq shemasy, Aqtóbe qalasynyń bas jospary saraptama komıssııasynyń qaraýynda» - dedi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń sáýlet, qala qurylysy jáne qala qurylys kadastry basqarmasynyń basshysy Táńirbergen Dárkenbaev.