Aqtóbe qalasyndaǵy eski úıler jańartylyp jatyr

AQTÓBE. QazAqparat – Aqtóbe qalasynyń qurylǵanyna 152 jyl toldy. Oblys ákimi shahardy aralap, jańǵyrtý, abattandyrý, jol salý jumysymen tanysty, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.

Aqtóbe oblysynyń ákimi Ońdasyn Orazalın Aqtóbe qalasyn aralap shyǵyp, birneshe jobanyń júzege asyrylý barysymen tanysty. Óńir basshysy Áz-Naýryz kóshesi boıyndaǵy kópirdiń, saıabaq jáne Pojarskıı kóshesindegi jol jóndeý jumystarynyń sapasyn qarap shyǵyp. Á.Moldaǵulova dańǵyly boıyndaǵy sýaǵar júıesind de qurylys bastalǵan. Ońdasyn Orazalın «Turǵyndar qalashyǵy» aýdanyndaǵy úılerdiń qasbetin jańartý jumystaryn bıyl tamyz aıyna deıin aıaqtaýdy tapsyrdy.

«Aqtóbede qalanyń tarıhı aýdanyn qaıta jańǵyrtý jumysy bastaldy. 113 úı jańartylyp jatyr. Olardyń shatyryn, qasbetin jóndeý, aýlalardy, sport alańdaryn, jaıaý júrginshiler aýmaǵyn abattandyrý, kishi​ sáýlettik pishimderdi qalpyna keltirý qarastyrylǵan. Sonymen birge, «Turǵyndar qalashyǵynyń» tarıhı kelbetin saqtaý mindeti tur. Bári bıznestiń áleýmettik jaýapkershiligi aıasynda iske asyrylady», - dep habarlady oblys ákiminiń baspasóz qyzmeti.

Sonymen birge oblys ákimi ​aǵaıyndy Jubanovtar kóshesindegi kópqabatty úılerdiń aýlasynyń abattandyrý jumystarymen tanysty. Bıyl Aqtóbede 67 balalar alańyn ornatyp, 200 aýlany asfalttaý josparlanyp otyr. Óńir basshysy qala ákimine ortalyqty damytý jobasyn erekshe nazarda ustaýdy tapsyrdy.

«Bizdiń mindetimiz – turǵyndarǵa barynsha jaǵdaı jasaý. Bul baǵytta kóptegen aýqymdy joba júzege asyrylyp jatyr. Olardyń árqaısysy sapaly ári ýaqytynda oryndalýy kerek»,- dedi Ońdasyn Orazalın.