Aqtóbe qalasynda eki jigit sýǵa batyp ketti

AQTÓBE. QazAqparat – Aqtóbe qalasynda 2003 jáne 2004 jyly týǵan eki jigit sýǵa batyp ketti. Ekeýiniń de denesin súńgýirler 3 metr tereńdikten alyp shyqty, dep habarlaıdy QazAqparat tilshisi.

Oqıǵa 6 maýsym kúni saǵat 19:20-da boldy.

Oblystyq TJD baspasóz qyzmetiniń habarlaýynsha, Almaty aýdany Aqjar-1 aýylyndaǵy kópir qasynda 2 adam sýǵa ketip qalǵany týraly habar túsken.

Oqıǵa ornyna qutqarýshylar jiberildi.

«19 jáne 20 jastaǵy azamattardyń denesin súńgýirler 3 metr tereńdikten shyǵardy. Aldyn ala aqparat boıynsha olar ruqsat etilmegen jerge sýǵa shomylǵan», - dep habarlady oblystyq TJD baspasóz qyzmeti.

Aıta keteıik, dúısenbi kúni de oblystyq tótenshe jaǵdaılar departamentiniń qutqarý qyzmetine Almaty aýdany Aqtóbe ferroqorytpa zaýyty aýmaǵyndaǵy kópir mańynda 2 jasóspirim sýǵa batyp ketkeni týraly habar kelgen edi.

Olar tyıym salynǵan aýmaqta shomylǵan.

«Qutqarýshylar oqıǵa ornyna jetken kezde 3 bozbalany aǵys alyp ketkeni belgili boldy. Bireýi óz kúshimen jaǵaǵa shyqqan. Aldyn ala belgili bolǵany –16 jastaǵy jasóspirimder júzý bilmegen. Súńgýirler saǵat 16:30-da jaǵadan 100 metr, tereńdigi 3,5 metr bolatyn jerden jasóspirimderdiń denesin shyǵardy», - dep habarlady oblystyq TJD baspasóz qyzmetinen.

Sondaı-aq 4 maýsym kúni de qaıǵyly oqıǵa boldy. Aqtóbe qalasy Almaty aýdany Elek ózenine 39 jastaǵy er adam batyp ketti.

Ol da ruqsaty joq jerge shomylǵan. Súńgýirler jaǵadan 15 metr qashyqtan, 4,5 metr tereńdikten onyń denesin alyp shyqty.

Aıta keteıik, sońǵy 10 kúnde oblysta 8 adam sýǵa batyp ketti.