Aqtóbe qalasynyń úsh jyldyq bıýdjeti jarııa talqylaýǵa shyqty

<p>AQTÓBE. KAZINFORM &ndash; Aqtóbe qalasynyń 2025-2027 jyldarǵa arnalǵan bıýdjetiniń kirisi shamamen 311,7 mlrd teńgeni quraıdy. Kiris jeke tabys salyǵy, áleýmettik salyq, korporatıvtik tabys salyǵynan turady.</p>

Aqtóbe qalasynda 2024 jyldyń 9 aıynda makroekonomıkalyq turaqtylyq saqtalǵan. Osy ýaqyt aralyǵynda 780,4 mlrd teńgeniń ónerkásip ónimi óndirildi. Bul kóbine Aqtóbe ferroqorytpa zaýyty, Aqtóbe hrom qosyndylary zaýyty men Aqtóbe rels-arqalyq zaýyty sekildi iri óndiris oryndarynyń jumysyna tikeleı baılanysty. Boljam boıynsha 2025-2029 jyldary aýyl sharýashylyǵynyń jalpy ónim kólemi 105% quraıdy. Aldaǵy úsh jylda bıýdjet kirisi 311 mlrd 752 mln 436 myń teńge bolady. 2025 jyly qalanyń óz bıýdjeti 94 mlrd 123,2 mln teńge bolýy múmkin. «Aqtóbe qalasynyń bıýdjetin bekitý týraly» sheshimine ózgerister engizý týraly jobada bıýdjet kirisiniń 27,6% korporatıvtik tabys salyǵynan, 27,5% jeke tabys salyǵynan dep kórsetilgen. Sonymen birge áleýmettik salyq, múlik salyǵy jáne aktsızder bar. Al 2025-2027 jyldar aralyǵynda Aqtóbe qalasynyń shyǵysy 311 mlrd 752 mln 436 myń teńge teńge bolady. Bıylǵy shyǵys 190,5 mlrd teńgeni qurady. Onyń 52,5 mlrd teńgesi oblystyq bıýdjetten bólingen qarjy bolsa, 5 mlrd teńge respýblıkalyq bıýdjet, 12 mlrd teńge Ulttyq Qor qarjysy. 2024 jyly qalany abattandyrý, onyń ishinde jaryqtandyrý, kógaldandyrý jáne tazalyq jumystaryna 10,5 mlrd teńge, joldardy ortasha jáne kúrdeli jóndeýge 1,8 mlrd teńge jumsaldy. Bul jumys aldaǵy úsh jylda jalǵasady. 

Ataýly áleýmettik kómek járdemaqysyna 2025-2027 jyldary 1,3 mlrd teńge qarastyryldy. Ómirlik qıyn jaǵdaıǵa tap bolǵan adamdardy beıimdeý ortalyǵyna bólinetin qarjy jyl saıyn ósedi. 2025 jylǵa 214 mln, 2026 jylǵa 232 mln, 2027 jylǵa 237 mln teńge qarastyrylady. Sonymen birge qarttar men múgedekter qonystanǵan ortalyqqa 2025 jyly 465 mln, 2026 jyly 465 mln, 2027 jyly 472 mln teńge bólinedi. Turmystyq zorlyq-zombylyq qunbandary qonystanatyn ortalyqqa úsh jyl ishinde 527 mln teńgeden astam qarjy bólinip, jumsalady. 

Aqtóbe qalasy jergilikti atqarýshy organnyń rezervi 2025-2027 jyldary 5,4 mlrd teńge bolady. Bul týraly tolyq aqparat «Ashyq NQA» portalynda bar. 

Eske salsaq, buǵan deıin 2025 jyly jóndeletin joldar týraly jazǵan edik.