Aqtóbe qalasynyń qaq ortasymen ótetin Sazdy ózeni kóterilip jatyr

<p>AQTÓBE. KAZINFORM - Aqtóbe qalasynyń ortalyǵy arqyly ótetin Sazdy ózeni taǵy kóterildi. Ózen boıyndaǵy saıajaı turǵyndaryna kóshý usynyldy.</p>

Aqtóbe oblystyq TJD bastyǵy Nurǵalı Júnisov kún jylynyp, ózen sýlary kóterilgenin málimdedi.

«Sazdy jáne Jińishke ózenderinde sý deńgeıiniń kóterilgeni baıqaldy. Osyǵan oraı departamenttiń jáne jergilikti atqarýshy organdardyń qyzmetkerleri joǵary daıyndyqqa keltirildi. Atalǵan ózen jaǵalaýyna jaqyn ornalasqan úılerdiń turǵyndary sý basý qaýpi kúrdelengen jaǵdaıda 112 jáne 109 jelisine habarlasýlaryńyz suralady», - dedi ol. 

Al Aqtóbe qalasynyń ákimi Azamat Beket Sazdy ózeniniń Elek ózenine quıatyn tusyndaǵy baý-baqsha ujymy turǵyndaryn evakýatsııalaýǵa sheshim qabyldady.

«Vohr, Mahambet baý-baqsha ujymdaryna qaýip bar. Sondyqtan jaǵalaýdy topyraqpen kóterip, bekitý jumystaryn jasap jatyrmyz. Al mundaı jumystardy júrgizý múmkindigi joq baý-baqsha ujymdarynyń turǵyndaryn evakýatsııalap jatyrmyz. AZHS-2 baý-baqsha ujymynan 25 adam mektepke evakýatsııalandy», - dep beıneúndeý taratty qala ákimi.

Eske salsaq, bul jerde birer kún buryn sý júrip, qala ortasynda kóshege sý toldy, ózennen sel shyǵaryldy.