Aqtóbe qalasyndaǵy kópqabatty úılerdiń kóbinde jylytý maýsymyna qajetti daıyndyq aktisi joq

<p>AQTÓBE. KAZINFORM &ndash; Aqtóbe qalasynda 1538 kópqabatty úı ortalyqtandyrylǵan jylytý júıesine qosylǵan. Qazir onyń nebári 240-y daıyndyq aktisin aldy.</p>

Aqtóbe qalasy boıynsha barlyǵy 1874 kóppáterli turǵyn úı bar. Onyń 1538-i ortalyqtandyrylǵan jylytý qazandyǵyna qosylǵan. Al 336-y qalanyń Altyn orda shaǵyn aýdanynda ornalasqan. Mundaǵy jylytý júıesi — avtonomdy. ıAǵnı, ár páterdiń ishinde gaz qurylǵysy bar. Sonymen qatar 100 shaǵyn qazandyq ornalasqan. 

— Barlyq 100 qazandyqty ózimizdiń tarapymyzdan qarap shyqtyq. Onyń altaýynda jóndeý jumystary júrgizildi. Taǵy eki úı boıynsha jóndeý júrgizilip jatyr. Jylytý maýsymy aıaqtalǵannan bastap «Aqtobe su-energy group» AQ-y mamandarymen birge qysta bolǵan aryz-shaǵym boıynsha tekserý júrgizildi. Jertólesi qaraldy, aqaý shyqqan páterler tekserildi. PIK tóraǵalaryna uıymdastyrý úshin uıǵarym berildi, — dedi Aqtóbe qalalyq turǵyn úı ınspektsııasy bóliminiń basshysy Aqnur Qazbaeva. 

Aqtóbe qalasy boıynsha 428 turǵyn úı tóraǵasy daıyndyq aktisin alýǵa ótinish bergen. Tek 240-y ǵana akt alǵan. Daıyndyq kezinde «Aqtobe su-energy group» AQ-y mamandary barady, gıdravlıkalyq synaq júrgizedi. Qubyrlar qysymǵa shydasa, daıyndyq aktisin beredi. 

— Qazir basqarý organy bar úıdiń uıymdastyrýshylaryna habarlasyp, túsindirip jatyrmyz. Turǵyndar qarsy bolsa, mamandar shyǵyp túsindiredi. Al avtonomdy jylytý qurylǵysyn jeke páter ıeleriniń ózderi tekseredi, ózderi aýystyrady. Qysta salqyn bolǵan páterlerdi qaraǵan kezde kóbi balkondy bólmege qosyp alǵan, jyly eden qondyrǵan bolyp shyqty. Júıeni ózgertýge bolmaıdy. Páterdegi tik qubyrlardy da aýystyrý kerek, — dedi Aqnur Qazbaeva.

Aıta keteıik, buǵan deıin Aqtóbede 20 kópqabatty úıdiń basqarýshysy bolmady. Olarǵa PIK tóraǵasy bektilip jatyr.