Aqtóbe eki kólik janyp ketti

<p>AQTÓBE. KAZINFORM - Aqtóbe qalasynda bir sátte eki kólik janyp ketti. Ekeýi de otqa oranyp, gúrs etti.</p>

Aqtóbe qalasy Álııa Moldaǵulova dańǵylynda ornalasqan gıpermarkettiń avtoturaq alańynda kólik órtendi. «Lexus RX» markaly jeńil avtokóligi janyp, keıin gaz qurylǵysy gúrs etip jaryldy.

Oblystyq TJD baspasóz qyzmetiniń habarlaýynsha, kólik órtengende júrgizýshi aldymen óz kúshimen sóndirmek bolǵan. Órt saǵat 19:30-da sóndirildi. Zardap shekkender joq. Sonymen birge Samara - Shymkent tasjolynda jeńil kólik órtendi.

- Saǵat 18:45-te Aqtóbe qalasy Almaty aýdany Raýan turǵyn alabynda «ÝAZ Patrıot» markaly jeńil avtokóligi tolyqtaı órtendi. Órt saǵat 18:53 oqshaýlandyrylyp, 18:55 sóndirildi Órttiń shyǵý sebebi men shyǵyndary anyqtalyp jatyr. Zardap shekkender joq,- dep habarlady oblystyq TDJ baspasóz qyzmeti.