Aqtóbe, Atyraý, Batys Qazaqstan oblystarynda jol jóndeýge 50,2 mlrd teńge jumsalady
«Bıyl jergilikti mańyzy bar avtomobıl joldaryn damytý maqsatyna respýblıkalyq bıýdjetten 209,6 mlrd teńge, onyń ishinde qurylys pen rekonstrýktsııalaýǵa 62,6 mlrd teńge, kúrdeli jáne ortasha jóndeýge (jalpy sıpattaǵy transferttermen) 147 mlrd teńge kózdelgen. Batys Qazaqstan, Atyraý jáne Aqtóbe oblystaryna 50,2 mlrd teńge qarastyrylǵan (Batys Qazaqstan oblysy 26,8 mlrd teńge (respýblıkalyq bıýdjetten – 4,9 mlrd teńge, jergilikti salyq tólemderinen – 21,9 mlrd teńge), Aqtóbe oblysy 14,8 mlrd teńge (RB – 0,6 mlrd teńge, JST – 12,1 mlrd teńge, JB – 2,1 mlrd teńge) jáne Atyraý oblysy 8,6 mlrd teńge (RB – 2,7 mlrd teńge, JST – 4,3 mlrd teńge, JB – 1,5 mlrd teńge)», - dep jazylǵan qujatta.
Bul qarajatqa 2023 jyly Batys Qazaqstan oblysyndaǵy 329 shaqyrym, Aqtóbe oblysyndaǵy 216 shaqyrym jáne Atyraý oblysynda 51,5 shaqyrym jolǵa qurylys-montajdaý jumystary júrgizilmek.
«Nátıjesinde jergilikti jelidegi avtomobıl joldarynyń jaǵdaıy Batys Qazaqstan oblysy boıynsha 46%-dan 52% deıin, Aqtóbe jáne Atyraý oblystary boıynsha 72%-dan 74% deıin jaqsarady. Qosymsha qarjy bólý máselesi respýblıkalyq bıýdjetti naqtylaý jáne/nemese qalyptastyrý múmkin bolǵan kezde belgilengen tártippen qaralady», - dep jazady Álıhan Smaıylov.