Aqtóbe ákimdigi kartop baǵasynyń kóterilý sebebin túsindirdi

<p>AQTÓBE. KAZINFORM &ndash; Aqtóbege kartop ózge óńirler men Reseıden ákelinedi. Baǵa da óndirýshilerge táýeldi bolyp tur.&nbsp;</p>

Aqtóbede qazir kartoptyń kelisi 350-406 teńgege satylyp jatyr. Bul bazarlar men sýpermarketterdegi baǵa. Kartop qunynyń bir sátte ósý sebebin ákimdik túsindirdi.

— Qazirgi tańda Aqtóbe oblysynda kartop baǵasynyń qymbattaýy baıqalyp otyr. Óńirge kartop negizinen Pavlodar, Qaraǵandy, Qostanaı oblystarynan jáne Reseı Federatsııasynan jetkiziledi. Sol sebepti kartoptyń baǵasy óndirýshilerge táýeldi. Sonymen qatar qazirgi tańda Reseı Federatsııasy kartopty shyǵarýǵa shekteý qoıdy. Osy oraıda qoljetimdi baǵada satyp alýdy qamtamasyz etý maqsatynda jergilikti «Anvar» jáne «Dına» saýda jelilerine, «Tabys» kommýnaldyq bazaryna turaqtandyrý qorynyń kartoby jetkizilip jatyr. Buǵan deıin aptasyna 16 tonna jetkizilse, qazir 30 tonnaǵa deıin artty. Monıtorıngtik toptar kúndelikti negizde áleýmettik mańyzy bar azyq-túlik taýarlary baǵasyna baqylaý júrgizedi. Kartop baǵasynyń negizsiz ósýi boıynsha másele turaqty baqylaýda, - dep habarlady Aqtóbe oblysy ákimdiginiń baspasóz qyzmeti.

Turaqtandyrý qorynyń taýarlary:

• Kúrish — 420 tg/kg;

• Qant — 420 tg/kg;

• Kartop — 116-119 tg/kg;

• Sábiz — 115 tg/kg;

• Qyryqqabat — 106 tg/kg;

• Pııaz — 116 tg/kg. 

«Aqtóbe» ÁKK» AQ baspasóz qyzmetiniń habarlaýynsha, turaqtandyrý qorynda 4 602,1 tonna kartop, 367,1 tonna sábiz, 383,6 tonna pııaz, 431,2 tonna qyryqqabat bar.

Eske salsaq, keshe Aqtóbede kartop baǵasynyń birden 100 teńgege qymbattaǵanyn jazǵan edik.