Aktıvterdi elge qaıtarýy tıis adamdardyń tizimi kúzde belgili bolady

ASTANA. QazAqparat – Zańsyz shyǵarylǵan aktıvterdi qaıtarýy tıis adamdardyń tizimi qyrkúıek aıynda belgili bolady. Bul týraly Bas prokýrordyń orynbasary Ulan Baıjanov aıtty, dep habarlaıdy QazAqparat tilshisi.

«Zańsyz shyǵarylǵan aktıvterdi qaıtarý jónindegi tıisti tizimge engenderge úsh aı merzim beriledi. ıAǵnı osy reestrdegi adam aktıvterdi aıqyn jarııalaı alady nemese májbúrli tártipte qaıtarý tetigi iske qosylady. Bul reestrdi komıssııa belgileıdi», - dedi U. Baıjanov Senattyń jalpy otyrysynan keıin tilshiler suraǵyna jaýap bere otyryp.

Sonymen qatar jýrnalıster qazirgi kezde atalǵan tizimge neshe adam engenin surady.

«Zań maquldandy. Bul baǵytta tıisti jumys bastalady. Meniń oıymsha, qyrkúıek aıynan osy isti bastaımyz», - dedi Bas prokýrordyń orynbasary.

Zańda aktıvterdi qaıtarýdyń erikti nemese májbúrli tártibi kózdelgen.

Aıta keteıik, búgin Senat «Zańsyz ıemdelgen aktıvterdi memleketke qaıtarý týraly» QR Zańyn maquldady. Onyń aıasynda zańsyz ıemdelgen aktıvterdi qaıtarý máseleleri boıynsha komıssııa qurý eskerilgen. Onyń quramyna Parlament depýtattary, qoǵam qaıratkerleri, Úkimet músheleri kiredi.

Sonymen qatar Bas prokýratýranyń qurylymynda zańsyz shyǵarylǵan aktıvterdi qaıtarý jónindegi jeke vedomstvo qurylady. Ol osy saladaǵy ýákiletti organnyń fýnktsııalaryn oryndaıdy.