Aqtaýlyq turǵyndar úıdiń irgesindegi gaz quıý beketine alańdap otyr

AQTAÝ. QazAqparat - Aqtaýlyqtar gaz quıý beketiniń úı irgesinde turǵanyna qarsy. 19-shy shaǵyn aýdandaǵy kópqabatty úıdiń turǵyndary kásipkerlik nysandy basqa jaqqa kóshirýdi surap másele kóterdi, dep habarlaıdy QazAqparat tilshisi.

Suıyq otyn stansasy ornalasqan aýmaqta byltyr jańadan eki turǵyn úı salyndy. Endi sol úıdiń balalarǵa arnalǵan oıyn alańy avtogaz beketiniń dál qasynda tur. Jurtshylyq gaz quıý beketinde oqys oqıǵa bolsa, zardap shegemiz be dep alańdaıdy.

«Kelisip, urys-keriske barmaı azamat retinde osyny alyp, bir tynyshtalsa halyq. Balalar oınap jatyr irgesinde. Jaqynda osy gazyn jiberip jatty dalaǵa. Qaýipti bolyp tur, alyp tastaý qajet. Alańdaımyz. Úıge tipten tıip tur, qashyqtyq bolýy kerek qoı. 15 metr dep aıtady, mynaý bes metr ǵoı arasy. Hatty jazdyq, apardyq. Turǵyndar qol qoıdy. Eki demalystan asty ǵoı, áli jaýap joq», - dedi turǵyn Ǵabdýlla Muqyrbaev. .

Qazir gaz quıý beketin jeke kásipker jalǵa alyp otyr. Aıtýynsha, beket aýmaǵyndaǵy rezervýarǵa 15 tonna suıyq otyn sııady. Rezervýar bastapqyda aýlada ashyq jerde tursa, qaýipsizdik talaptaryna saı keıin jerge kómilgen. QazAqpart tilshisi gaz quıý beketiniń ıesi Kúlásh Tursynbekovamen tildesip kórdi. Kásipkerdiń aıtýynsha nysan 20 jyldan asa ýaqyt osy jerde jumys istep tur.

«97 jyly bul qalanyń qoqys tastaıtyn alańy edi. Sony biz 12 kún sol jerdi traktormen tazalaǵanbyz. Ana qujattarymyzda sol kezdegi 27-mıkroraıonda qansha metrde ornalasqan. Aınalada eshqandaı ǵımarat joq dep kórsetilgen. Endi myna jerden úı salyndy. QUrylys salynyp jatqanda aıtqanmyn, sizder normatıvti qoldanbaı jatyrsyzdar. Bul qalaı, myna turǵan «zapravkanyń» ústinen qalaı salasyzdar dep. «Bizge ákimdik berdi, bizder salamyz» dedi. Ábden mazamyz ketip boldy, aqıqat qaıda?! 23 jyldan beri otyrǵan jekemenshik obektimizge bireý kelip úı salady. Sodan keıin biz kináli bolamyz,-dedi Kúlásh Tursynbekova.

Turǵyndar men kásipkerdiń teketiresi ákimdikke jetti.

«Qala ákimdigine qarasty bólimnen sol gaz quıý stansasyna eskertý jiberilgen. ıAǵnı, gaz berý stansasynyń nysanyn basqa kommertsııalyq nysanǵa ózgertý usynyldy. Endi qazirgi tańda halyq tarapynan da sondaı usynystar túsip jatyr. Bul máselede kásipkermen qazir kelissóz júrgizilýde. Aldaǵy ýaqytta másele oń sheshiiledi dep oılaımyz», - dedi Aqtaý qalasy ákiminiń orynbasary Serik Gýsman.

Sheneýnikter kásipkerge jerdi basqa bızneske aýysý týraly ótinish joldaǵan. Sebebi, qujatqa sáıkes gaz quıý beketiniń ornyna bıznes ǵımaratyn salýǵa bolady.