Aqtaýlyq turǵyn shaıan ósiredi
Erekshe kásipti ótken jyly qolǵa alǵan kásipker búginge deıin 2 tonnadan astam shaıan ósirgen. Bir qyzyǵy ol jándikterdi ósirýdi ǵalamtordan úırengen.
«Byltyr bastaǵanda 300 kelideı satyp aldym. Qazirgi tańda 5 adamdy jumyspen qamtyp otyrmyn. Qalaǵa sýpermarketterge, meıramhanalarǵa aparamyn. Shaıandar qorek izdeýge tek túnde ǵana shyǵady, olardyń arnaıy tamaǵy bar»,-deıdi kásipker.
Maksım shaıandy ósirý úshin Aqshuqyr aýylynda 5 basseındi qoldan jasaǵan.
«Olar taza sýlarda, ásirese, shaǵyn ózender men aǵyndy sýlarda kóbirek kezdesedi. Balyq sekildi jelbezegimen demalady. Áýeli aýyl sharýashylyǵy mınıstrligi synaq júrgizip, kelisimin bergen bolatyn. Aldaǵy ýaqytta shaıan sanyn 15-20 tonnaǵa deıin arttyrý josparlanyp otyr. Sonymen qatar balyq sharýashylyǵymen aınalysyp kórgimiz keledi», - dedi kásipker.