Aqtaýlyq oqýshylar «Qazaq» degen atpen gazet shyǵara bastady
Ideıany mekteptiń oqýshylary Nargız Jalǵas pen Nurǵasyr Tórebaev jáne aǵylshyn tili páni muǵalimi Altyn Kelimberdıeva men qazaq tili jáne ádebıet pániniń muǵalimi Aıgúl Aıtan iske asyryp jatyr. Gazettiń negizgi maqsaty - qazaqty álemge tanytý. «Qazaq» gazeti qazaq jáne aǵylshyn tilderinde shyǵady.
«10-synypqa Ahmet Baıtursynovtyń «Ultty táýelsizdikke úndegen «Qazaq» gazeti» degen sabaqty ótkizip turdym. Sol kezde «Osy «Qazaq gazeti» nege joq? Ahmet ańsaǵan, Maǵjan ańsaǵan jastar bilimge qol jetkizdi. Aqparat keńistigi mol. Balalar bilgenin basqa elge tanyta qoıýǵa múmkindigi bar. Sol múmkindikterdi nege qoldanbasqa?» degen oı keldi. Sol oıdy áriptesimmen, oqýshylarmen júzege asyrýdy jón kórdik», - dedi qazaq tili men ádebıeti pániniń muǵalimi Aıgúl Aıtan.
«Qazaq» gazeti bes aıdardan turady: mádenıet, ádebıet, bilim-ǵylym, eńbek-kásip, tabıǵat-ekologııa jáne gazettiń ekinshi sanynan bastap «Halyq úni» aıdary qosyldy.
«Gazetti oqyǵan oqyrman oqı otyryp áleýmettik, quqyqtyq, mádenı, ádebı jáne saıası tyń derekterge qanyq bolýy kerek. Osyny esepke ala otyryp, biz «Qazaq» gazetin tek qazaq tilinde ǵana emes, basqa elderde turyp jatqan qandastarymyz úshin jáne orta Azııany, onyń ishinde Qazaqstandy tanyp, bilgisi keletin sheteldikter úshin osy gazettegi qazaq tilindegi aqparatty aǵylshyn tilindegi aýdarmasymen berýdi jón kórdik» dedi aǵylshyn tiliniń muǵalimi Altyn Kelimberdıeva.
«Qazaq» gazetiniń ereksheligi Ahmet Baıtursynulynyń shyǵarmalarynan úzindi jáne aforızmderin qoldanady.
«Qazaq tili - baı jáne oralymdy til. Keıbir poezııalardy aýdarǵan kezde óte qıyn. Sebebi avtordyń stılin jáne uıqasyn keltirý ońaıǵa shyqpaıdy. Degenmen táýekel etip, jobamyzdy bastadyq» deıdi Nurǵasyr Tórebaev.