Aqtaýlyq oqýshy mentaldi arıfmetıkadan halyqaralyq olımpıadada sýperchempıon atandy

AQTAÝ. QazAqparat – Aqtaýdaǵy NIS oqýshysy Ásııa Qobylashova mentaldi arıfmetıkadan WAMAS-2023 halyqaralyq olımpıadasynda jeńiske jetti, dep habarlaıdy QazAqparat tilshisi.

«Túrkııanyń Antalııa qalasynda ótken jas arıfmetıkter jarysynda Qazaqstan, Birikken Arab Ámirlikteri, Rýmynııa, Saýd Arabııasy, Sırııa, Lıvan, Aljır, Ázerbaıjan, Bolgarııa, Iordanııa, Irak, Egıpet, Moldova, Qyrǵyzstan, Ózbekstan jáne ózge de elderden kelgen 400 daryndy bala baǵyn synady. Chempıondar men sýper chempıondarǵa 100-300 dollar kóleminde qarjylaı syılyqtar tabystaldy», – dep málim etti zııatkerlik mekteptiń baspasóz qyzmetinen.

«WAMAS» olımpıadasy 5 jyldan beri ótkizilip keledi. Bıylǵy baıqaýdy Antalııanyń qalalyq ákimshiligi jáne «Qazaqstan men Eýrazııa memleketteriniń dostyq jáne mádenıet qaýymdastyǵy» birlesip uıymdastyrǵan.