Aqtaýlyq mektep oqýshysy joǵarǵy sottyń ınternet-vıktorınasyn jeńip aldy

ASTANA. QazAqparat - 2016 jyldyń 2-9 qarashasy aralyǵynda QR Joǵarǵy soty ınternet paıdalanýshylary arasynda quqyq máselesine baılanysty ınternet-vıktorına ótkizdi. Bul shara respýblıka sýdıalarynyń VII sezi qarsańynda arnaıy uıymdastyrylǵan bolatyn, dep habarlaıdy Mańǵystaý oblystyq sotynyń baspasóz qyzmeti.

Atalǵan aktsııanyń maqsaty - el azamattarynyń quqyqtyq saýatyn arttyrý boldy. Aktsııaǵa qatysýshylar Qazaqstan zańnamasy boıynsha 10 saýalǵa jaýap berýleri tıis edi. Ol joǵarǵy sot ókilderi sezge qatysatyn delegattardyń atynan 120 saýal daıyndady. Kezdeısoq keletin saýaldarǵa durys jaýap bergen aazamattarǵa syılyq ta taǵaıyndaldy.

Kúnine 6 jáne odan da kóp saýaldarǵa durys jaýap bergenderge telefon nómirine birlik salý sııaqty arnaıy syılyqtar berilip otyrdy. Vıktorına aıaqtalǵan soń, ıaǵnı 10 qarashadan keıin qoıylǵan suraqtardyń jartysynan kóbine jaýap bergen 3 azamatqa smartfon syıǵa tartylýy qajet bolatyn. Osy 3 smartfonnyń bireýin (Samsung Galaxy A5) Aqtaý qalasyndaǵy № 20 orta mekteptiń 11 synyp oqýshysy Erjan Jumabaev jeńip aldy.

Oblystyq sot tóraǵasy Jaqsylyq Alanov jeńimpazǵa syılyǵyn saltanatty jaǵdaıda tartý etip, arnaıy serıtıfıkat berdi. Shara barysynda Jumabaev sotqa azamattardyń seniminiń nyǵaıa túskendigin aıtyp, sáttilik tiledi.