Aqtaýdyń ǵımarattary jaryqtandyrylmaq

AQTAÝ. QazAqparat - Qalanyń sáýlettik kelbetin jaqsartý úshin ortalyq kóshelerdiń boıynda ornalasqan 50 nysan jaryqtandyrylmaq, dep habarlaıdy Qazaqparat tilshisi.

Aqtaý qalasynyń 55 jyldyǵyna oraı qolǵa alynǵan jobanyń biri - ǵımarattardy jaryqtandyrý. Osyǵan oraı, «Túngi sáýlettik jaryqtandyrý» kontseptsııasy ázirlengen. Qala boıynsha 50 ǵımarat tańdalynyp, túrli-tústi jaryqpen bezendirý dızaıny oılastyrylyp, jobasy  jasaqtalǵan.

Jergilikti ǵımarattardy sáýletti jaryqtandyrýda birneshe sanatqa bóletindigin eskerdi. Ákimshilik, qoǵamdyq ǵımarattar, turǵyn úı keshenderi men qonaqúıler, óndiristik kásiporyndar, saıabaq, skver, alleıa men eskertkish oryndary syndy kishi sáýlet nysandary ózindik erekshelikterine oraı kórnekteledi.

«Negizgi basymdyq 3 túske, qyzyl-sary, kókshil-aq jáne qoıý kók tústerge beriledi. Kók - kári Kaspııdiń sımvoly, al sary Kún nuryna malynǵan qala kórkinen habar beredi. Keıbir ǵımarat basshylyǵy jaryqtandyrý úshin jabdyqtaryn alyp qoıǵan. Bul joba boıynsha da qarajat bıýdjetten jumsalmaıdy», - deıdi Aqtaý qalalyq  sáýlet jáne qala qurylysy bóliminiń ınspektory Daler Nýrýlaev. 

Qazirgi tańda ǵımarattar ıelerine tıisti hattar joldanǵan. Sóıtip, ár mekeme óz qarajatyna jaryq qoıatyn bolady.