AQTAÝ. KAZINFORM – Qala turǵyndary elektr energııasynyń jıi óshýine jappaı shaǵymdanyp jatyr. Aıtýlarynsha, jaryq birde bar, birde joq. Ásirese, sońǵy eki-úsh kúnde aptap ystyqta qatty qınalyp otyrǵandaryn aıtýda.
Qala kóshelerinde de baǵdarshamdar jumys istemeı tur. Birneshe joldyń qıylysynda kólik qozǵalysyn polıtsııa qyzmetkerleri retteýde.
Al, Aqtaý elektr jelileri basqarmasy baspasóz qyzmetiniń habarlaýynsha, jaryqtyń óshýine - aptap ystyq sebep. Saldarynan elektr jelilerge júkteme artyp, apatty jaǵdaılar bolǵan.
- 7, 9, 11, 12, 13, 14, 27, 28, 29, 29a, 30 shaǵyn aýdandarda ishinara jaryq óshti. Brıgada jumys istep jatyr, - delingen habarlamada.
Sońǵy málimetterge súıensek, 7, 9, 14 shaǵyn aýdandarda elektr jaryǵy qosylǵan.
Buǵan deıin, Aqtaý qalasynyń jylý jelilerin rekonstrýktsııalaýǵa Úkimet rezervinen 3,6 mlrd teńge bólingeni týrady jazǵan bolatynbyz.
Aıagóz Іzbasarova
Іzbasarova Aıagóz Oralbaıqyzy televızııa salasynda 2003 jyldan beri jumys isteıdi. Eńbek jolyn «Qazaqstan» RTRK» AQ Mańǵystaý oblystyq fılıaly «Qazaqstan-Aqtaý» telearnasynda júrgizýshi-redaktorlyqtan bastap, redaktor, shef-redaktor qyzmetterin atqardy. Sońǵy 7 jyldan beri «Qazaqstan» Ulttyq arnasynyń Mańǵystaýdaǵy menshikti tilshisi. Aqparat salasynyń úzdigi. Kazinform halyqaralyq aqparat agenttiginde 2024 jylǵy mamyrdan bastap qyzmet etedi.