Aqtaýdyń kólik jýý oryndarynda aýyz sýdy zańsyz ysyraptap, mólsherden tys paıdalanǵandar anyqtaldy

<p>AQTAÝ. KAZINFORM &ndash; Aqtaýda aýyz sý tapshylyǵyna oraı, sýdy óndirýshi jáne ony jetkizýshi mekemelerdiń qyzmetkerleri, kólik jýý oryndaryn tekserdi. Nátıjesinde birqatar zań buzýshylyq anyqtaldy. Máselen, 29 kásipkerlik nysannyń aýyz sýdy paıdalanýǵa ruqsat qujattary bolmaı shyqty. Al, taǵy birnesheýi kelisimshartta sýdy az kólemde kórsetken, biraq ózderi kóp mólsherde tutynyp otyr.</p>

Sý óndirýshi kásiporynnyń baspasóz qyzmetiniń habarlaýynsha, ortasha eseppen alǵanda, árbir kólik jýý orny táýligine 30 tekshe metrden astam sý tutynady. Al, bul avtokólik jýý oryndary kólik jýý qyzmetine sharttary bolmasa da táýligine 870 tekshe metrden astam sý tutynyp otyr. 

Sondyqtan mamandar kólik jýý úshin, aýyz sýdy zańsyz paıdalanǵan birneshe kásipkerlik nysanǵa sý berýdi toqtatty. 

Buǵan deıin Aqtaý qalasynyń ákimi kólik jýý ortalyqtarynyń ıelerin aýyz sýdy únemdeýge shaqyrǵan bolatyn.