Aqtaýdy nege jaǵymsyz ıis jaılady

<p>AQTAÝ. KAZINFORM &ndash; 1 maýsym kúni keshke qaraı Aqtaý turǵyndary qaladaǵy jaǵymsyz ıiske shaǵymdana bastaǵan. Shahar jurtshylyǵynyń shaǵymynan keıin ekologtar jaǵymsyz ıistiń qaıdan shyqqanyn anyqtap, halyqqa túsinikteme berdi.&nbsp;</p>

Mańǵystaý oblystyq ekologııa departamentiniń habarlaýynsha, shaǵymdar túskennen keıin mamandar Aqtaý, Basqudyq aýyly men óndiristik aýmaqtarda atmosferalyq aýany ólshegen.

«Departament mamandary Aqtaý qalasy, Basqudyq eldimekeni men óndiristik aýmaqtardyń atmosferalyq aýasyna ólshem jumystaryn júrgizdi. Júrgizilgen monıtorıng barysynda Basqudyq eldimekeninde ornalasqan «Muhambet» medıtsına ortalyǵynyń janynda ornalasqan qoqystar konteınerleriniń órtený faktisin anyqtady. Órtený aýmaǵynyń atmosferalyq aýasyna júrgizilgen ólshem jumystary qortyndysy boıynsha kúkirt sýttegi kórsetkishi shekti raýaly kontsentratsııasynan 0, 062 mg/m3 (ShRK-0,008) tys asýy anyqtaldy», — delingen habarlamada.

Ekologtar órt týraly Tótenshe jaǵdaılar departamentine habarlap, órt sóndirýshiler órtti sóndirdi.