Aqtaýdaǵy jarylystan zardap shekken naýqastardyń jaǵdaıy aýyr

AQTAÝ. QazAqparat – Aqtaýdaǵy tehnıkalyq qyzmet kórsetý ortalyǵynda bolǵan órtten zardap shekken 3 adamnyń ekeýiniń jaǵdaıy óte aýyr, dep habarlaıdy QazAqparat tilshisi.

Jarylystan 1 áıel qaıtys bolǵan edi. Al, 3 adamnyń denesin kúıik shalyp, Mańǵystaý oblystyq kópsalaly aýrýhanasyna jatqyzylǵan edi.

«Qazirgi ýaqytta zardap shekken eki naýqas óte aýyr hálde jansaqtaý bóliminde jatyr. Aýrýhanaǵa túsken kezde joǵary deńgeıli kúıikten shok alǵandyǵy anyqtaldy. Eki naýqasqa da ókpeni jasandy jeldetý qurylǵysy qosylǵan. 35 jáne 19 jastaǵy qos azamattyń da tynys alý joldary, beti, moıyny, aıaqtyń joǵary jáne tómengi bólikteri, sondaı-aq arqasy tereń kúıgen. Áli esin jıǵan joq», - dedi Mańǵystaý oblystyq kópsalaly aýrýhanasynyń travmatolog-ortopedi, kombýstıolog-dárigeri Samalbek Baıboluly.

1972 jyly týǵan úshinshi naýqastyń jaǵdaıy turaqty, beti men aıaq-qoldarynyń joǵarǵy bóligi kúıip qalǵan. Qazirgi tańda bólimshede em alyp jatyr.

Foto: QR TJM