Aqtaýdaǵy Yessenov University Abaı oblysynyń 5 stýdentine grant bóledi

AQTAÝ.QazAqparat - Aqtaýdaǵy Yessenov University Abaı oblysynda orman órtinen zardap shekken otbasylardyń balalaryna 5 bilim grantyn bóledi, dep habarlaıdy QazAqparat tilshisi.

Yessenov University prezıdenti Berik Ahmetov alapat órt jergilikti turǵyndarmen qatar búkil eldi eseńgiretkenin aıtady. Joıqyn apattan zardap shekken balalar bakalavrǵa kez-kelgen mamandyqqa oqýǵa túse alady. Sondaı-aq, ishki erejege sáıkes jataqhanaǵa ornalasady.

«Tilsiz jaýmen kúresip, ormandy qorǵaý – Otandy qorǵaýdan kem emes erlik. Syn saǵatynda qaýip-qaterge qaramaı, qaharmandyq kórsetken azamattarymyzdyń rýhy aldynda basymyzdy ıemiz. Qazanyń artynyń qaıyryn tileımiz. Mundaı qaıǵyly jaǵdaı endi qaıtalanbaǵaı», - dedi Berik Ahmetov.