Aqtaýdaǵy kedennen tárkilengen taýarlar muqtaj jandarǵa taratyldy

AQTAÝ. QazAqparat – Mańǵystaý oblysy boıynsha Memlekettik kirister departamentiniń «Aqtaý-Kedendik rásimdeý ortalyǵy» kedendik beketiniń qyzmetkerleri tárkilengen birinshi qajettiliktegi zattardy muqtaj jandarǵa tapsyrdy.

Bul týraly QazAqparat Mańǵystaý oblysy boıynsha Memlekettik kirister departamentiniń baspasóz qyzmetine silteme jasap habarlaıdy.

Eske sala ketsek, buǵan deıin «Aqtaý – KRO» kedendik beketinde kedendik baqylaý júrgizý barysynda halyqtyq tutyný taýarlary anyqtalǵan bolatyn. Osy taýarlardyń ishindegi tqyma buıymdary Aqtaýdaǵy №3 arnaıy áleýmettik qyzmet kórsetý ortalyǵy men oblystyq mamandandyrylǵan balalar úıine tegin berildi.

Mańǵystaý oblysy boıynsha Memlekettik kirister departamentinde osyndaı aktsııalardyń aldaǵy ýaqytta taǵy ótkiziletinin aıtyld.

Eske sala ketsek, Ustalǵan taýarlardy satý tártibiniń 26-shy tarmaǵyna sáıkes, komıssııa sheshimi boıynsha, odan ári paıdalanýǵa jaramdy jáne ókiletti zańdy tulǵa satpaǵan taýarlar tegin túrde balalar úılerine, qarttar jáne múgedekter úılerine, balabaqshalarǵa, mektepterge, medıtsınalyq-áleýmettik mekemelerge nemese arnaıy áleýmettik qyzmet kórsetetin sýbektilerge beriledi.