Aqtaýdaǵy bir otbasynda 12 ustaz bar
«Buryn ustazdardyń mártebesi joǵary turatyn. Kósheden olardy kórip qalsaq, jolda tura qalyp, jol beretin edik. Ýaqyt óte kele, zaman aǵymyna saı túrli mamandyq shyqqan soń ba, muǵalimderge degen qurmet pen izet tómendep ketti. Meniń zamanymda muǵalimder qazirgi mınıstrge teńeletin edi. Eń bedeldi mamandyq bolatyn. Sondyqtan ul-qyzdarymdy pedogıka salasyndaǵy mamandarǵa oqyttym. Qazir otbasymda 12 ustaz bar», - deıdi Besinbaı Begenishov.
Ustazdar dınastııasynyń otaǵasy Besinbaı Begenishovtyń qaryndasy, uly men 2 qyzy, 3 kelini, 5 nemeresi ustazdyq joldy tańdaǵan. Olardyń ishinde psıholog, tárbıeshi, matematıka, tehnologııa, 2 geografııa, 3 qazaq tili men ádebıeti, 3 bastaýysh synyp muǵalimi bar. Otbasynyń jalpy eńbek ótili- 257 jyl.
Ardager ustaz qazaq tili men ádebıeti páninen sabaq berip júrip, zeınet jasyna shyqqan. Aqsaqaldyń aıtýynsha, ustazdar - mártebesine sáıkes, endi kóp izdenýi, ósýi kerek.
«Sondyqtan kerek emes qaǵazdy toltyrýdan arylyp, oqýshylardy jetistikke jetkizýge talpyný qajet. Al Elbasynyń bıylǵy Joldaýynda aıtqan tapsyrmasy - dál ýaqytynda kóterilgen bastama. Olardyń aılyqtary, atqarǵan jumys tájirıbesi men sanatyna baılanysty kóbeıetin bolady dedi. Bul jańashyldyqty qoldaımyn»,-deıdi B. Begenishov.