Aqtaýdaǵy alańǵa jınalǵandar birtindep taraı bastady

NUR-SULTAN. QazAqparat – Aqtaý qalasyndaǵy «Yntymaq» alańynda burynǵysynsha jınalǵan adamdardyń qarasy qalyń, dep habarlaıdy «QazAqparat» tilshisi «Habar24» telearnasyna silteme jasap.

Telearna tilshisiniń málimetinshe, qaladaǵy ahýal áli de kúrdeli.

«Internet áli de qosylmady, mobıldi baılanys irkilispen istep tur. Sýpermarketter, dúkender jumysyn toqtatqan. Shaǵyn saýda oryndary bar, alaıda bul jerlerde taýar tek qolma-qol aqshaǵa ótkizilip jatyr. Bankomattarda aqsha sheship alý múmkin emes», - dedi telearna tilshisi.

Belgili bolǵandaı alańdaǵy halyq birtindep úılerine tarap jatyr.

«Keıbir adamdar «Yntymaq» alańynan birtindep tarap jatyr. Aqtaýdaǵy alańda adamdar áli de turǵanyn baıqaýǵa bolady. Alaıda osyǵan deıin alańǵa turǵyndardy shaqyrǵan belsendiler, endi sabyrǵa shaqyryp, halyqty úılerine taraýǵa jáne jınalmaýǵa úndeý jasap jatyr. Sonymen qatar, qala komendanty úndeý jasap, aqtaýlyqtardy arandatý áreketterine ermeýge shaqyrdy. Sebebi olardyń barlyq zańsyz is-qımyly zańmen qýdalanady», - dedi telearna tilshisi.