Aqtaýdaǵy 5 saılaý ýchaskesinde HQO mamandary jumys isteıdi

AQTAÝ. QazAqparat – 20 qarasha kúni Aqtaýdaǵy 5 saılaý ýchaskesinde Halyqqa qyzmet kórsetý ortalyǵynyń mamandary jumys isteıdi. Olar turǵylyqty tirkeýi joq saılaýshylardyń daýys berýine múmkindik jasaıdy, dep habarlaıdy QazAqparat tilshisi.

«Daýys berý ýchaskesiniń ǵımaratyna tirkeýge qoıady. Halyqqa qyzmet kórsetý ortalyǵynyń mamandary bárin túsindiredi. Barǵan ýchaskesinde daýys berýge múmkindik týǵyzady», - dedi Aqtaý qalalyq saılaý komıssııasynyń tóraǵasy Erǵalı Іskendirov.

Sondaı-aq múgedektigi bar azamattar úshin 7 ınvataksı qyzmet kórsetedi. Olardyń daýys berýine arnaıy oryndar daıyndaldy. Qulaǵynyń múkisi bar azamattar úshin qulaqqap qoıylǵan. Onda sýrdoaýdarmasymen eki tilde beınerolıkter kórsetiledi. Al zaǵıp jandar úshin Braıl trafareti bar.

Olar: Aqtaý qalasynyń 11 shaǵynaýdanynda ornalasqan №23, 17 shaǵynaýdandaǵy №66, 32 «A» shaǵynaýdanyndaǵy №248, 24 shaǵynaýdandaǵy №40, 4 shaǵynaýdandaǵy №8 saılaý ýchaskeleri.