Aqtaý mańyndaǵy ushaq apaty: Prezıdent marapattaǵan azamattardyń tizimi jarııalandy

<p>ASTANA. KAZINFORM &ndash; Prezıdent Qasym-Jomart Toqaev Ázerbaıjannyń Azal kompanııasyna tıesili ushaqtyń apatqa ushyraýynan zardap shekken adamdardy qutqarý kezinde erlik, kásibılik jáne azamattyq jaýapkershilik tanytqany úshin bir top qazaqstandyqty memlekettik nagradalarmen marapattady.</p>

Aqordanyń baspasóz qyzmeti marapattalǵan azamattardyń tizimin jarııalady.

Buǵan deıin habarlanǵandaı, olardyń arasynda TJM ókilderi, medıtsına mamandary, polıtseıler, «Mańǵystaý óńirlik elektrotoraptyq kompanııasy» aktsıonerlik qoǵamynyń jumysshylary jáne Aqtaý áýejaıynyń qyzmetkerleri bar.

Memleket basshysynyń Jarlyǵymen Mańǵystaý oblysy Polıtsııa departamentiniń krımınalısi Aıbek Álibaev Baýyrjan Momyshuly atyndaǵy ІІ dárejeli «Aıbyn», Mańǵystaý oblysy TJD Basqudyq aýyly №12 órt sóndirý bóliminiń komandıri Serikbolat Ońǵar Raqymjan Qoshqarbaev atyndaǵy ІІІ dárejeli «Aıbyn» ordenderimen, Mańǵystaý oblystyq kópsalaly aýrýhanasynyń ortalyq meńgerýshisi Baqytjan Qoıbekov pen Aqtaý halyqaralyq áýejaıy medıtsınalyq beketiniń meńgerýshisi Irına Kochergına «Qurmet» ordenderimen marapattaldy.

«Erligi úshin» medalimen Mańǵystaý oblystyq jedel jáne shuǵyl medıtsınalyq járdem stantsııasynyń feldsheri Tımýr Qısaev, QR Tótenshe jaǵdaılar mınıstrligi Apattar medıtsınasy ortalyǵynyń Mańǵystaý oblysy boıynsha fılıalynyń dárigeri Ospan Orazbekov, «Qazaeronavıgatsııa» RMK Aqtaý fılıalyndaǵy «Vyshka» dıspetcherlik beketiniń dıspetcheri ıAroslav Tolstıkov, «Mańǵystaý óńirlik elektrotoraptyq kompanııasy» aktsıonerlik qoǵamy Aqtaý elektr jeliler aýdanynyń sheberi Nuraly Shopanov marapattaldy.

Aqtaý halyqaralyq áýejaıynyń qyzmet bastyǵynyń orynbasary Bekbolat Jumaǵulov, QR Ádilet mınıstrligi «Sot saraptamalary ortalyǵy» Mańǵystaý oblysy boıynsha fılıalynyń mamany Eldar Orazalıev «Eren eńbegi úshin» medaldarynyń ıegeri atandy.

Sonymen qatar 51 adamǵa Prezıdenttiń Alǵysy jarııalandy.

Eske sala keteıik, 25 jeltoqsanda Aqtaý mańynda Azerbaijan Airlines ushaǵy apatqa ushyrady.

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty. Ókinishke qaraı, mert bolǵan jandardyń arasynda 6 Qazaqstan azamaty bar.