Aqtaýdaǵy sarbazdyń ólimi: Qasaqana kisi óltirý faktisi boıynsha sotqa deıingi tergeý bastaldy

<p>ASTANA. KAZINFORM &ndash; Batys óńirlik áskerı-tergeý basqarmasy qasaqana kisi óltirý faktisi boıynsha sotqa deıingi tergeýdi bastady, dep habarlady Bas áskerı prokýratýrasynyń baspasóz qyzmeti.</p>

«2024 jylǵy 7 qyrkúıekte saǵat 17:10 shamasynda Aqtaý qalasyndaǵy QR QM áskerı bólimderiniń biriniń vzvod komandıri «Oımasha» polıgonynyń aýmaǵynda PM tabeldik tapanshasynan qatardaǵy B-ǵa oq atyp, sońǵysy qaıtys boldy. Sol kúni Batys óńirlik áskerı-tergeý basqarmasy qasaqana kisi óltirý faktisi boıynsha sotqa deıingi tergeýdi bastady (QK 99-babynyń 1-bóligi)»,-delingen habarlamada.

Tergeý organy kúdiktini QPK-niń 128-baby tártibimen ustady jáne Aqtaý qalasynyń ýaqytsha ustaý ızolıatoryna qamaýǵa aldy.

Qajetti keshendi tergeý amaldary júrgizilýde, qylmystyń sebepteri men ózge de mán-jaılar anyqtalýda.

Іs boıynsha protsestik prokýror taǵaıyndaldy.

Tergeý barysy Bas áskerı prokýratýranyń erekshe baqylaýyna alyndy.

«Qylmystyq protsestik kodekstiń 201-babyna sáıkes basqa málimet jarııalanbaıdy»,-delingen Bas áskerı prokýratýranyń habarlamasynda.

Osyǵan deıin Aqtaýda oq jaraqatyn alǵan sarbazdyń mert bolǵanyn habarladyq.

Qorǵanys mınıstrligi Aqtaýda mert bolǵan sarbazdyń isi boıynsha arnaıy komıssııa qurdy.