Aqtaýdaǵy órt kezinde kúıip qalǵan ózbekstandyq eki azamat jansaqtaý bóliminde jatyr

<p>AQTAÝ. KAZINFORM &ndash; Aqtaýda kólik dóńgelegin jóndeý tsehynda bolǵan órt kezinde kúıik shalǵan adamdardyń jaǵdaıy belgili boldy.</p>

Mańǵystaý oblystyq aýrýhanasynyń jansaqtaý bólimine túsken sheteldik eki azamattyń qazirgi jaǵdaıy belgili boldy. Bul týraly tıisti dárigerlik kómek kórsetip jatqan mamandar málimdedi.

«Órt kezinde zardap shekken eki adamnyń jaǵdaıy aýyr. Olar jansaqtaý bólimine jatqyzyldy. Tolyq mán-jaı tıisti sharalardan soń belgili bolady», - dedi oblystyq aýrýhananyń baspasóz qyzmeti. 

Keshe túnde Aqtaýdaǵy 28a shaǵyn aýdanda kólik dóńgelegin jóndeý tsehynda órt shyqty. Tilsiz jaý sharpyǵan nysannyń ishinde Ózbekstan Respýblıkasynyń eki azamaty bolǵan. Oqıǵa ornyna kelgen jedel járdem qyzmeti sheteldik azamattarǵa alǵashqy kómek kórsetken soń, birden aýrýhanaǵa jetkizdi.