Aqtaýdaǵy áýe apatynan mert bolǵan qazaqstandyqtar anyqtaldy

<p>ASTANA. KAZINFORM &mdash; Ázerbaıjan elordasy Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady. Ókinishke qaraı, ushaqta bolǵan alty otandasymyz mert boldy.</p>

— Qaza tapqan 6 Qazaqstan azamatynyń tórteýi Mańǵystaý oblysynyń turǵyny. Odan bólek, bir azamat Qostanaı oblysynan jáne bireýi Astana qalasynyń turǵyny, — dedi Qanat Bozymbaev oqıǵa aımaǵynda bolǵan baspasóz máslıhatynda.

Osy oraıda vıtse-premer zardap shekken otbasylarǵa tıisti kómektiń kórsetiletinin aıtty. 

— Zardap shekken otbasylarǵa, onyń ishinde máıitterdi jetkizýge, jerleýge barlyq kómek kórsetiledi. Odan bólek, zań aıasynda barlyq tólem men ákimdik aıasyndaǵy basqa da kómek tolyq kólemde dereý usynylady. Tańerteń atalǵan jumystyń barlyǵy oryndalady, bul meniń jeke baqylaýymda, — deıdi Úkimet basshysynyń orynbasary.

Buǵan deıin Qanat Bozymbaev ushaqtyń qırandysy arqyly apattyń sebep-saldary anyqtalatynyn aıtqan edi. 

Aıta keteıik, atalǵan áýe apatynan zardap shekkenderge jan-jaqty kómek kórsetiledi. Ol boıynsha qaıda habarlasý kerektigin siltemege ótip bile alasyz. 

Ókinishke qaraı, elimizdiń Kólik mınıstri Marat Qarabaev ushaq bortynda bolǵan barlyq qazaqstandyq mert bolǵanyn habarlady. 

Óz kezeginde, ázerbaıjan tilshisi qazaq halqynyń qıyn sáttegi kómegine alǵysyn aıtty.