Aqtaýda jylytý maýsymy merziminen buryn bastalady

AQTAÝ. QazAqparat - Aqtaýda turǵyndardyń ótinishi boıynsha úılerdi jylytý merziminen buryn bastalady, dep habarlaıdy QazAqparat tilshisi.

Normatıvter boıynsha jylytý maýsymy bes táýlik ishinde ortasha táýliktik temperatýra 8 gradýstan joǵary kóterilmegen jaǵdaıda beriledi. Alaıda, aqtaýlyqtardyń ótinishterinen keıin jylý berý merziminen buryn, 7 qazanda bastalatyn boldy.

Bıylǵy jyly Qazaqstannyń kóptegen óńirlerinde jylytý maýsymy ádettegiden erte bastaldy. Qyrkúıek aıynyń ortasynan bastap elimizdiń soltústik, shyǵys, ortalyq óńirleriniń turǵyndary kúnniń sýytýyna baılanysty bılikten úılerdi jylytýǵa erterek qosýdy suraı bastady. Aqtaýda aýa temperatýrasy sońǵy birneshe kún boıy +12, +13 gradýs aralyǵynda saqtalady.

Aqtaý ákimdiginde qala sharýashylyǵynyń aldaǵy jylytý maýsymyna daıyndyǵy boıynsha kún saıyn jumys júrgizilip jatqanyn atap ótti. Kommýnaldyq qyzmetter turǵyndardyń úılerine jylý berýge daıyn.