Aqtaýda jýrnalısterge arnalǵan «Áskerı dıskýrs» semınary aıaqtaldy (FOTO)
QR Qorǵanys mınıstrliginiń baspasóz qyzmetiniń habarlaýynsha, úsh kún boıy 40 jýrnalıst pen respýblıkalyq BAQ ókilderi, sondaı-aq qazaqstandyq blogerler ekstermaldy jaǵdaılarda kásibı mashyqty kórsetip, sonymen qatar tanymal saıasatker Erlan Karınniń, Bolgarııadan kelgen professor Tatıana Dronzınanyń terrorızm men ekstermızmdi aqparattyq turǵyda taratý qaǵıdalary týraly erekshe dáristerin tyńdady.
Jýrnalıstermen kezdesýler aıasynda terrorızm máseleleri zertteý týraly bilip qana qoımaı, toptardyń jalpy sıpattamasy, qarjylandyrý qaǵıdalary týraly bilýge múmkindik aldy. Sonymen qosa ózderin tolǵandyrǵan suraqtarǵa jaýap aldy.
Jýrnalıster kúni QR Qorǵanys mınıstrliginiń atynan Qarýly kúshterinde barlyq áskerı oqıǵalardy taratý kásibıligi men jyldamdyǵy úshin semınarǵa qatysýshylarǵa sertıfıkattar tabys etilip, estelik syılyqtary berildi.
«Bul semınarda Qarýly kúshterdiń kúndelikti ómirin kórsetkimiz keldi. Áskerı dıskýrs barysynda jýrnalıster men blogerler Áskerı-teńiz kúshterinde jaýyngerlik daıarlyqtyń qalaı ótetinin, jýrnalısterdiń korablderge shyǵýyn, bizdiń áskerı teńizshilerdiń áskerı qyzmeti men jumysyn kórdi. Kishkentaı qaıyqtarda joryqtar uıymdastyrylyp, sýda jáne órt kezinde ómir súrý úshin kúres jónindegi jattyǵýlar uıymdastyryldy», - dedi QR QK ÁTK bas qolbasshylyǵy vıtse-admıral Jandarbek Janzaqov.
Esterińizge sala ketsek, QR Qorǵanys mınıstrliginiń uıymdastyrýymen qazaqstandyq jýrnalısterdi qarýly qaqtyǵystar men ekstremaldy oqıǵalar aýmaǵynda, lańkestik aktilerin taratý jumys jasaýǵa úıretý úshin ekstremaldy jýrnalıstıka boıynsha «Áskerı dıskýrs» praktıkalyq semınary tórtinshi ret ótkizildi. Bul jolǵy semınar QR QK Áskerı-teńiz kúshteriniń Áskerı-teńiz bazasynda ótti.