Mańǵystaý oblystyq polıtsııa departamentiniń habarlaýynsha, aldyn ala málimetter boıynsha, Toyota Camry avtokóliginiń júrgizýshisi joldyń shetinde turǵan tıegish tehnıkamen soqtyǵysqan.
Jol apatynyń saldarynan júrgizýshi oqıǵa ornynda kóz jumdy. Bir jolaýshy ártúrli jaraqattarmen aýrýhanaǵa jetkizilgen.
- Atalǵan derek boıynsha qylmystyq is qozǵalyp, sotqa deıingi tergeý júrgizilýde. Polıtsııa barlyq júrgizýshilerdi jol qozǵalysy erejelerin, jyldamdyqty jáne jolaýshylardy tasymaldaý kezindegi qaýipsizdik sharalaryn qatań saqtaýǵa shaqyrady.
Jol qozǵalysy erejeleriniń buzylýy aýyr jáne orny tolmas zardaptarǵa ákelýi múmkin, - delingen habarlamada.
Buǵan deıin, Aqtóbede eki kólik soqtyǵysyp, 12 adam qaza tapqan bolatyn
Búgin Aqtóbedegi jol apatynan zardap shekken úsh adamnyń oblys ortalyǵyna jetkizilgeni belgili boldy.