Aqtaýda jetkinshek jartastan qulap ketti

<p>AQTAÝ. KAZINFORM &ndash; Aqtaýda jetkinshek 3-4 metr bıiktiktegi jartas soqpaǵynan qulap ketti.</p>

Tótenshe jaǵdaılar departamenti baspasóz qyzmetiniń habarlaýynsha, oqıǵa 4 A shaǵyn aýdandaǵy teńiz jaǵalaýynda ornalasqan qonaq úıdiń qasynda bolǵan.

«Shaqyrtý kúndiz saǵat 11-31 de tústi. 2012 jyly týǵan jasóspirim «Kaspıan Rıvera» qonaq úıiniń artyndaǵy jartastan qulaǵan. Biz polıtsııa qyzmetkerlerimen birge zardap shekken jetkinshekti zembilmen kóterip, jedel járdem kóligine jetkizdik», - deıdi qutqarýshylar.

Dárigerlerdiń aıtýynsha, balanyń jaǵdaıy turaqty. Qazir travmatologııa bóliminde em alyp jatyr. 

Foto: Aıagóz Іzbasarova/Kazinform

«Jedel járdem brıgadasy oqıǵa ornyna tez jetip, jetkinshekti Mańǵystaý oblystyq balalar aýrýhanasyna jetkizdi. Mıdyń kompıýterlik tomografııasyn jasadyq. Jasóspirimge mıdyń jabyq jaraqaty, mıdyń shaıqalýy dıagnozy qoıyldy. Naýqas baqylaýda», - deıdi Densaýlyq saqtaý basqarmasynyń baspasóz hatshysy.