Aqtaýda jer kezeginde turǵandarǵa úı salynyp berilmek
Mańǵystaý oblystyq jer qatynastary basqarmasynyń basshysy Esemurat Dúzmaǵanbetovtyń aıtýy boıynsha Aqtaý qalasynan jer alýǵa kezekte turǵan 70 myńnan astam turǵyn úshin «Nurly jer» baǵdarlamasy aıasynda Aqshuqyr, Saıyn aýyldarynyń shyǵys betinen tıptik jobadaǵy úıler salynyp usynylatyn bolady.
Aqtaý qalasynyń bas josparynda jeke turǵyn úı salý úshin jer telimi qaralmaǵandyqtan bul másele osylaı sheshilmekshi. Turǵyndarǵa usynylatyn úılerdiń sharshy metri 120 myń teńgege baǵalanady.
Jalpy Mańǵystaý oblysynyń jer kólemi 16 564,2 myń gektar. Onyń ishinde aýyl sharýashylyǵy maqsatyndaǵy jerler - 5 228,0 myń gektar, eldi meken jerleri 1 098,0 myń gektar, Óndiris, kólik, baılanys, qorǵanys jáne aýyl sharýashylyǵy maqsatynan basqa jerler - 245,4 myń gektar, erekshe qorǵalatyn tabıǵı aýmaqtar jáne emdeý-saýyqtyrý maqsatyndaǵy jerler - 223,4 myń gektar, orman qory jerleri - 253,2 myń gektar, bosalqy jer - 9501,9 myń gektardy quraıdy.