Aqtaýda «Jaıly mektep» jobasy aıasyndaǵy mektepterdiń qurylysy kúni-túni júrgizilip jatyr

<p>AQTAÝ. KAZINFORM &mdash; Qazir Aqtaýda 17-shaǵyn aýdanda 900 oryndyq, 33 pen 19-shaǵyn aýdandarda 1200 oryndyq, &laquo;Raýan&raquo; turǵyn úı massıvinde 300 oryndyq mekteptiń qurylysy qarqyndy júrip jatyr. Aqtaý qalasynyń ákimi Ulyqbek Tnálıev 17 jáne 19-shaǵyn aýdan turǵyndarymen kezdesip, mektep qurylystaryn jedeldetý úshin, jumysshylardyń táýlik boıy eńbek etip jatqanyn jetkizdi.</p>

— Prezıdent tapsyrmasyna sáıkes, Aqtaý qalasynda «Jaıly mektep» ulttyq jobasy aıasynda 10 600 oryndyq 8 mektep salý josparlanyp otyr. Onyń ishindegi 4 mekteptiń qurylysyn qyrkúıekke deıin aıaqtaýymyz kerek. Qaladaǵy úsh aýysymdy mektep máselesin sheshý maqsatynda 17, 19, 33 shaǵyn aýdan jáne «Raýan» turǵyn úı massıvindegi mektep qurylysyn jedeldetýimiz qajet. Sondyqtan atalǵan shaǵyn aýdandardaǵy mektep qurylysy táýlik boıy júrgizilýde. Basqa turǵyndar tarapynan tún tynyshtyǵynyń buzylýyna baılanysty aryzdar kelip túsýde. Bul qurylys jumystaryna kedergi keltiredi. Sondyqtan turǵyndardan keltirilgen qolaısyzdyqtarǵa túsinistikpen qarap, mektep qurylysynyń jedeldetilýin qoldaýdy suraımyn, — dedi Aqtaý qalasynyń ákimi Ulyqbek Tnálıev.

Foto: Qoǵamdyq kommýnıkatsııa ortalyǵy

Turǵyndar mektep qurylysynyń tezirek aıaqtalǵanyn qoldaıtyndaryn aıtty.

— Bizge mektep qurylysynyń tezirek aıaqtalǵany kerek. Sebebi balalarymyz úıdiń qasyndaǵy mektepte oqyǵanyn qalaımyz. Qurylys jumystary kúni-túni jumys istese bizge jaqsy. Biz muny qoldaımyz, — dedi 17 jáne 19-shaǵyn aýdan turǵyndary.