Aqtaýda «Jartasty soqpaq» joly qaıta ashyldy

<p>AQTAÝ. KAZINFORM&nbsp; - Aqtaýdaǵy &laquo;Jartasty soqpaq&raquo; jolyn jóndeý jumystary aıaqtalyp, qaıtadan paıdalanýǵa berildi.</p>

Teńiz jaǵalaýyndaǵy atalǵan jol osyǵan deıin qalpyna keltirý jumystaryna baılanysty ýaqytsha jabylǵan edi. Demeýshilerdiń kómegimen jartasty soqpaqtyń 60 metr joly qaýipsiz aýmaqqa kóshirilip otyr. 

Foto: Aqtaý qalasynyń ákimdigi

Aqtaý qalasynyń ákimi Ulyqbek Tnalıev qaıta qalpyna keltirilgen «Jartasty soqpaq» jolymen tanysqanyn málimdedi.

«Barshańyzdy Naýryz merekesimen shyn júrekten quttyqtaımyn. Kelgen jylymyz berekeli, qýanyshqa toly jyl bolsyn dep tileımin. Aqpan aıynda jartastaǵy soqpaqta tas qulap sol úshin atalǵan joldy ýaqytsha japqan bolatynbyz. Turǵyndardyń súıikti orny tez arada demeýshi kómegimen iske qosyldy. Demeýshi azamatqa raqmetimdi aıtamyn», - dedi qala ákimi Ulyqbek Tnalıev.

Foto: Aqtaý qalasynyń ákimdigi

Aqpan aıynyń basynda Aqtaýdaǵy teńiz jaǵasyndaǵy jartastyń bir bóligi opyrylyp túsken edi. Keıin buǵan qatysty Aqtaý qalalyq turǵyn úı-kommýnaldyq sharýashylyq bóliminiń basshylyǵy pikir bildirip, jaǵdaıdyń qanshalyqty qaýipti ekenin aıtty.