Aqtaýda jańajyldyq shyrsha qulap qaldy

<p>Aqtaýda qatty soqqan jeldiń saldarynan amfıteatr alańyna ornatylǵan jańajyldyq shyrsha qulap qaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qala ákimdiginiń baspasóz qyzmeti mereke oraı ornatylǵan shyrshanyń qatty jelge shydamaǵanyn jetkizdi. 

«Aqtaýda jeldiń ekpini sekýndyna 15-25 metrge jetip, saldarynan qalanyń bas shyrshasy qulap qaldy. Mamandar jel basylǵan soń shyrshany qaıta ornatady», — dedi qala ákimdiginiń baspasóz qyzmeti.

Aqtaý qalalyq turǵyn úı-kommýnaldyq sharýashylyq bólimi shyrshany ornatý kezinde tehnıkalyq arnaıy beton bloktar, tros sym qoldanylǵanyn alǵa tartty.

Jel basylǵan soń qulaǵan kontrýktsııany ornatý jumysy júrgiziledi.

— 28 jeltoqsan kúni aýa raıynyń qolaısyzdyǵyna baılanysty 15 shaǵyn aýdan amfıteatr alańynda ornatylǵan shyrshanyń qulaý deregi tirkeldi. Amfıteatr alańynyń aınalasynda qurylys nysandary, ǵımarattar bolmaǵandyqtan ashyq alańqaıda jeldiń ekpini qatty seziledi. Shyrsha ornatý barysynda tehnıkalyq talaptardyń barlyǵy saqtalǵan bolatyn. Tross symdary men temir betondar turǵanyna qaramastan osyndaı jaǵdaı oryn aldy. Merdiger mekeme tarapynan shyrshany qaıta ornatý jumystary aýa-raıy turaqtalǵannan keıin júrgiziledi. Keltirilgen qolaısyzdyqtar úshin ákimdik tarapynan keshirim suraımyz, — dedi Aqtaý qalalyq turǵyn úı-kommýnaldyq sharýashylyq bóliminiń basshysy Janbolat Jaqypov.