Aqtaýda zańsyz salynǵan taýnhaýs súrildi

<p>Aqtaý qalasy Prımorskıı-1 turǵyn massıvinde zańsyz salynǵan taýnhaýs súrildi. Bul - jyl basynan beri sottyń sanktsııasymen buzylǵan úshinshi qurylys, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

- Qurylys salýshylarǵa qujattardy rásimdeýge jáne qurylysty toqtatýǵa tıisti nusqama berildi. Alaıda olar berilgen nusqamany elegen joq. Sol sebepti bul zańsyz qurylysty buzý úshin sot organdaryna talap aryz joldadyq. Sottyń birinshi satydaǵy sheshimimen joldanǵan talap aryz qanaǵattandyrylyp, apellıatsııadan keıin sot sheshimi zańdy kúshine endi, - deıdi Mańǵystaý oblystyq memlekettik sáýlet-qurylys baqylaý basqarmasynyń basshysy Dáýren Ótepqalı.

 

Foto: Mańǵystaý óńirlik kommýnıkatsııa ortalyǵy

Qurylys salýshyǵa Ákimshilik quqyq buzý týraly kodekstiń 316, 321 jáne 463-baptaryna sáıkes ákimshilik jazalaý sharalary qabyldandy.

Eske salsaq, buǵan deıin zańsyz salynǵan turǵyn úı kesheni men qonaqúı qurylysy buzylǵan edi.

Foto: Mańǵystaý óńirlik kommýnıkatsııa ortalyǵy

Eki nysan da qurylysqa qajetti ruqsat qujatynsyz jáne jobalaý-smetalyq qujattamasy jasaqtalmaı salynǵan.

Foto: Mańǵystaý óńirlik kommýnıkatsııa ortalyǵy