Aqtaýda úıinde marıhýana ósirgen turǵyn ustaldy
Bul týraly oblystyq polıtsııa departamentiniń baspasóz qyzmeti habarlady. Tártip saqshylary 15 shaǵynaýdannyń 21 úıdiń janynan kúdiktini ustaǵan. Tintý barysynda er adamnan salmaǵy 6,23 gramm marıhýana salynǵan paket, temeki shegýge arnalǵan plastıkalyq bótelke, «Dan Vesson» markaly revolver jáne tórt patron men «Smıt Vesson»markaly pyshaq tárkilendi.
«Atalǵan fakti boıynsha QR QK 297 - babynyń 1-bóligi, QR QK 287-babynyń 1-bóligi boıynsha sotqa deıingi tergeý bastaldy»,- delingen habarlamada.
Budan bólek, polıtsııa qyzmetkerleri quramynda esirtki zattary bar ósimdikterdi ósirýmen aınalysqan 53 jastaǵy Aqtaý qalasynyń turǵynyn anyqtady. Kúdiktiniń turǵylyqty jeri boıynsha marıhýana ósirgeni belgili boldy. Polıtsııa qyzmetkerleri tyıym salynǵan ósimdiktiń 92 butaqshasyn syn tárkiledi. Ustalǵan azamatqa qatysty QR QK 300-babynyń 1-bóligi boıynsha sotqa deıingi tergeý bastaldy.